واحدة من أحلام البشرية، والأساس اللي اتبنَى عليه معظم الأديان (إن مكنش كلها)، هو الرغبة في الانتصار على الموت (هحطلك في التعليقات لينك لبوست ليه الأديان هتستمر في الوجود لو مهتم تقراه)، الرغبة البشرية المتأصلة وجوديا إن ميكونش للإنسان نهاية، نزعة اللامحدودية. ده الحلم اللي في قناعتي بدونه الأديان تفقد مكانتها عند الإنسان، واللي برضوه في قناعتي اتبنت عليه فكرة الأديان النظامية بشكل أساسي، حلم الجنة الموعودة بخلود نعيمي (أو العقوبة الأبدية لو متَّبعتنيش!)... العلم في آخر قرن، أخد خطوات ضخمة في محاولات التغلب على الموت، وعمل في أقل من قرن، اللي متعملش في مئات الآلاف من السنين (أو ملايين) من عمر البشر (ده حسب تعريفك لإنهي Homo هتعتبره بداية وجود البشر). في البوست ده هلخص لك أهم خمس محاولات علمية، تطوراتها، معضلاتها، وخطواتها التالية، وهحط لك أسئلة في كل وسيلة تساعدك تفكر بشكل أكبر من الطرح اللي في البوست.
(١) ال Regenerative Medicine
ده مجال علمي فكرته إعادة تكوين وإعادة نمو الأنسجة والأعضاء في حالة توقفها عن أداء وظيفتها بشكل سليم، باستخدام ال stem cells، ودي تقدر نفهمها بتبسيط مخل إنها خلايا عندها قدرة تطور لإنها تكون خلايا بأنواع مختلفة، عندها قدرة تتقسم وتجدد مفسها. مثلا دلوقتي العلم وصل لقدرة إعادة زرع جلد في حالات الحروق وزرع نخاع العضم (bone marrow) لعلاج أمراض مختلفة. التحدي الحالي هو ازاى نضمن إن العضو المزروع بيتقبله الجسم وبيؤدي وظيفته بشكل سليم. تطور ده ده هيسمح بإعادة زرع الأعضاء الأكثر أهمية والأكثر criticality للحياة واللي بتؤدي للوفاة لو فسدت او اختلت، زى المخ والقلب والرئة وغيرها. فهل نقدر في يوم نستبدل كل شىء ونحافظ على الشخص حى مهما حصل له؟
(٢) ال Anti-Aging Research
فكرة الأبحاث دي مش استبدال الخلايا والانسجة والأعضاء اللي فسدت، ولكن تقليل معدل فسادها، في محاولة لوقفه تماما (أو عكسه!). إنك ببساطة متعجِّزش، وكفاءة اجهزة جسمك وأعضاؤه متقلش مع الزمن (وإن أمكن تزيد!). المجال ده بيبحث في ايه أسباب الشيخوخة، وازاى نقللها أو نوقفها أو نعكسها إن أمكن. مثلا المحاولات الحالية لل Telomere shortening (تخيلها بتبسيط مخل تحكم في الكروموسومات) أو ال epigenetics changes (تخيلها بتبسيط مخل لعب وتعديل في الجينات أو بشكل أصح ازاي بتقرا ال DNA sequence), او من خلال ال Calories Restriction بتقليل سعات الجسم للنقطة الحرجة اللي متوصلش لل malnutrition (إنك تقلل السعرات الحرارية اللي داخلة للجسم اللي بالتجربة المعملية أثبت إنه بيقلل معدل تزايد الشيخوخة وبيقلل تسارع ال damage في الخلايا). التحدي في المجال ده هو في تقنين عوامل الشيخوخة وتحديدها، والتحدي الأكبر هو إن العوامل دي معتمدة على بعض، فصعب تحاول تواجه عامل منهم بشكل بحثي منفرد. فهل هنقدر في يوم مش بس نقلل معدل الشيخوخة، ولكن نعكس التأثير بتاع عامل السن ونثبته عند أفضل سن لاكتمال جسمه ووظايفه البيولوجية؟
(٣) ال Biotechnology
العلم ده قايم على مزج البيولوجيا بالمجال التقني، بيحاول يدرس على سبيل المثال في المجال الmicro ازاى نقدر بالتكنولوجيا نعدل الجينات، أو نصلح ال mutations اللي بتتوجد بشكل غير معروف أو مفهوم في شكل أورام خبيثة وبتنتشر بشكل سريع، كمثال هل ممكن زرع روبوتات دقيقة وظيفتها محاصرة الخلايا الخبيثة وتدميرها بدل العلاج الكيميائي الحالي اللي بيدمر الخلايا الفاسدة ومعاها السليمة كمان (علم ال nanotechnology يعتبر علم مكمل للمجال ده). وفي المجال الmacro بيدرس ازاى تستبدل أعضاء وأجهزة كاملة بأعضاء وأجهزة روبوتية والكترونية يقدر الانسان يتحكم فيها لما أعضاءه البيولوجية تفسد. المجال ده متسارع جدا وحقق نجاحات كتير، كمثال تقنية ال CRISPR اللي عالجات أمراض جينية من خلال تعديل ال DNA، وفيه حاليا قلوب وكُلَى صناعية لسه تحت الاختبار. التحدي الأكبر هو في عواقب العمليات دي، لإنها مجالات حديثة فأى اختبار محتاج مدد تجربة طويلة عشان نشوف الأعراض اللي ممكن تنتج عنه على المدى الطويل واللي لا يمكن تحليلها وتوقعها مقدمًا حتى باستخدام أقوى وأعقد الsuper computers وال simulations اللي بتتعمل عليها. لو استمر واتطور دمج المجال التكونولوجي (الdigital) بالمجال البيوكيميائي ده، هل في يوم هنبقى نسبة من جسدنا هتبقى بيولوجية وبقية النسبة الكترونيكس وميكانيكس؟ هيحصل ايه لو بدلنا النسبة البيولوجية وصار الكل ميكانيكس والكترونيك؟ هل هنفضل نفس الشخص؟
(٤) ال Cryonics
ده مجال بحثي قايم على الحفاظ على الجسم بتبريده في درجات حرارة منخفضة جدا جدا، بحيث يكون الجسد cryopreserved، اتخيله كنوع من التحنيط المتقدم، هدفه مش البعث والخلود زاى ما المصريين القدماء كانوا بيحاولوا ويحلموا (ع الهامش، مسمَّى "الفراعنة" مش سليم!) ولكن هدفه إن بعد مئات أو آلاف السنين من التطور التكنولوجي والطبي، نعيد إحياء البشر المحفوظين مجمدين دول. طبعا عملية التجميد بالتكنولوجيا الحالية مبتضمنش عدم فساد كل الخلايا أو ضمورها أو حدوث خلل فيها، ولكن الفكرة قايمة على إن التكنولوجيا بعد مئات أو آلاف السنين هتقدر تصلح أى damage حصل في أثناء عملية التجميد. السؤال هنا، هل الحياة هى مجرد الجسد المادي ده، يعني هل لو حافظنا على الجسد بحالته، نقدر نستعيده تاني ونقومه، ويفضل الإنسان حى؟ العلم بيقول آه احنا مجرد خلايا بيوكيميائية حتى مشاعرنا وأحاسيسنا هى biochemical interactions and reactions بتحصل في المخ ومنه لبقية مكونات الجسد، في حين الأديان بتقول لأ، احنا اكتر من مجرد جسد وبتضيف مفهوم مبهم اسمه الروح (مخلوط بمفهوم النفس عشان يزود النظريات الدينية المختلفة تعقيدا)، يمكن النقطة المشتركة اللي لسه الأبحاث العلمية بل والدينية بتدرسها وهى رابط الجزيرتين دول هى الوعى (ال consciousness) وهو مجال بحثي مازال مجهول في العلم والدين ، ويمكن سبر غوره يفتح مجال اتصال بينهم (أو يزيد الهوة!)
(٥) ال Mind Uploading
ده مجال تقني، قايم على نقل ذاكرة وأفكار ومسارات ال neurons اللي في المخ البشري لصورة ديجيتال، والحفاظ عليها. ديه محاولة لعمل digital copy من ال mind البشري بحيث إنها تعيش للأبد من غير اي اختلال بيولوجي، وحاليا فيه تقدم متسارع جدا في مجال ال Brain Computer Interfaces ببسمح بتبادل المعلومات والذاكرة المخزنة بين المخ والأجهزة الالكترونية، فعلى سبيل المثال فيه فعلا محاولات نجحت في إعادة انتاج الأحلام على شاشة الكترونية من بقايا ذكراها في المخ ومن تتبعها اشارات المخ أثناء حدوث الحلم. لو قدرنا نحتفظ بكل محتويات المخ، وحتى لو الجسد باظ، استبدلناه بجسد تاني وعملنا إعأدة تحميل لكل المحتفظ بيه للجسد الجديد (من خلال مخه) ده هيحول الجسد لمجرد أداة، زايها زاى عربيتك، زاى لبسك، مجرد وعاء قابل للاستبدال والتغيير، ساعتها مهما فسد الجسد هنقدر نستبدله، مش بس كده داحنا ممكن نستبدله بجسد صناعي كامل له نفس الشكل السابق بالظبط وحتى الصوت نقدر نعيد اجتراره في الجسد الصناعي ده من خلال الذكاء الاصطناعي وده هيخلي الإنسان حرفيا خالد. فيه مشاكل أخلاقية وفلسفية كبيرة جدا في المحاولات دي، وبتعتبر مجال بحثي ممنوع في أماكن كتيرة. بس في قناعتي وبحكم مجال دراستي وشغلي هى الأقرب للتحقيق والتنفيذ العملي. هخصص post منفصل لتفاصيل الموضوع ده لانه شيق جدا.
ديه كانت جولة سريعة مختصرة، أتمنى لو مهتم تاخد كل مجال علمي فيها وتبحث بنفسك عن الterminology اللي ذكرتهالك. الأسئلة اللي ممكن بحِثََك تفكر فيها: هل المحاولات دي هتحافظ على نفس الإنسان؟ هل في يوم ممكن يتم استبدال كل ما في الإنسان لmachines كهاردوير و artificial intelligence كسوفتوير وتكون دي الكائنات الحية المستقبلية اللي بتمثلنا (هحطلك post معضلة ثيودوسيوس تحت في التعليقات تقراه) ؟ هل هتبقى مجرد humanoids؟ وهل الإنسان هو مجرد جسده؟ هل لو أعادنا إنتاج الإنسان من خلال إحياء جسده ووعيه ده هيكون دليل على وهمية الاعتقاد بروح/نفس؟ وهل الأديان هتفقد بريقها عند البشر لو فقدت زعمها بانتصار الإنسان من خلالها على الموت؟ ايه العواقب اللي ممكن نتنتج عن عدم الموت؟ هل هنحتاج للتناسل وقتها؟ ولا هنحتاج لتقليل المتاح من ال human resources؟ هل ال Eugenics ساعتها هيبقى مبرر ومفضل (هبقى اشرحه بالتفصيل لو عشت وكان ليّ عمر)؟ والأهم، هل العلم هيقدر ينتصر على الموت بشكل عملي مثبت ومجرَّب مش بشكل رجائي وأملي (just hope and faith) زاى وعد الأديان غير المثبت وغير المدلل عليه؟